ಮನುಜ

ಹುಟ್ಟಿದವರು ಸಾಯಲೇ ಬೇಕು ಅದು ಸಹಜ
ಉದ್ದರಿಸೋ ನಿನ್ನ ದೇಶ , ನೀ ಬೆಳಿದ ಸಮಾಜ
ವಿಧಿ ಲಿಖಿತ ಸಾಯಲೇ ಬೇಕು ಎಲ್ಲರು ಅದೂ ನಿಜ
ತಿಳಿದು ತಿಳಿದು ಮಾಡುವೆ ಯಾಕೆ ಅನ್ಯಾಯ ನೀ ಮನುಜ

ಕೋಪ

ದೇಹ ದೂರ ಆಗಬಹುದು ಪ್ರೀತಿ ಅಲ್ಲ ಗೆಳತಿ
ಯಾಕೆ ದೂರ ಹೋದೆ, ಕಂಡ ಕನಸು ಮರೆತೆ
ಹೊಸ ವರುಷದ ಅರುಣೋದಯಕ್ಕೆ ಆಗು ನನ್ನ ಬಾಳ ದೀಪ
ಯಾಕೆ ಸುಮ್ಮನೆ ನನ್ನ ಮೇಲೆ ಹಳೆ ವರುಷದ ಕೋಪ

ಪ್ರಕೃತಿ

ನಮ್ಮ ಸುತ್ತ ಇದೆ ಸುಂದರ ಹಸಿರು ಪ್ರಕೃತಿ
ಇದು ರವಿವರ್ಮನ ಸುಂದರ ಕಲಾಕೃತಿ
ಬೆಳಿಸಿ ಉಳಿಸಲು ಬೇಕು ವರ್ಷಂಪ್ರತಿ
ಕಡಿದು ಕೆಡವಲು ಸಾಕು ಒಂದು ಕತ್ತಿ

ನಿರಂತರ

ಬರಿದಾದ ಬಾಳಲ್ಲಿ ನಿ ಬರೆದೆ ಪ್ರೇಮದ ಮೊದಲ ಅಕ್ಷರ
ದಾರಿ ಕಾಣದ ಬದುಕ ಪ್ರಶ್ನೆಗೆ ಕೊಟ್ಟೆ ನೀನು ಉತ್ತರ
ಪ್ರೀತಿ ಚಿರಾಯು ಇರಲಿ ಹೀಗೆ ಎಂದೆ ಬಂಗಾರ
ಜೀವನದ ಜಂಜಾಟದಲ್ಲಿ, ಮರೆತೆ ನಿನ್ನ ಕ್ಷಮಿಸು ನಿರಂತರ

ಯುಗಾದಿ

ಮರೆಯದಿರು ನೀ ನಡೆದ ಹಾದಿ
ಅಗಲಿ ಬರದಂತೆ ಹಣೆಬರಹ ವಿಧಿ
ಹಠ ಛಲದಿಂದ ಜಯವ ನೀ ಕದಿ
ಬಾಳಲಿ ಬರಲಿ ಪ್ರತಿ ದಿನ ಯುಗಾದಿ

ಗೆಳತಿ

ಗೆಳತಿ ನಂಗೆ ನಿನ್ನದೆ ಚಿಂತೆ
ಬೇಕಿಲ್ಲ ನಿನ್ನ ರೂಪ, ನೋಟುಗಳ ಕಂತೆ
ನಿನ್ನ ಪ್ರೀತಿ, ನಂಬಿಕೆ ಸದಾ ರಕ್ಷೆ
ನೀಡು ಒಹ್ ದೇವ ನನಗೆ ಅವಳನೇ ಬಿಕ್ಷೆ